Pozita: Koordinator/e për Furnizim
Kompania jonë është në kërkim të një Koordinatori/e për Furnizim, person i organizuar dhe analitik, që do të menaxhojë proceset e furnizimit, prokurimit dhe importit, duke siguruar efikasitet dhe optimizim të kostove.
Lokacioni: Çagllavicë
 
 Detyrat dhe Përgjegjësitë Kryesore

Identifikon, përzgjedh dhe vlerëson furnitorë vendorë dhe ndërkombëtarë;
Negocion çmimet, kushtet e pagesës dhe afatet e dorëzimit;
Ndjek kontratat dhe marrëveshjet me furnitorët;
Monitoron performancën e furnitorëve (cilësia, sasia, afatet e dorëzimit);
Zgjidh çështjet që lidhen me vonesa, dëmtime apo mospërputhje të mallrave;
Monitoron nivelin e stokut për produktet bazë në magazinë;
Siguron furnizim në kohë për të shmangur mungesat ose tejmbushjen e stokut;
Analizon lëvizjen e stokut (hyrje/dalje) dhe përgatit raporte periodike;
Bashkëpunon me magazinën dhe financën për inventarizime periodike;
Parashikon nevojat e furnizimit bazuar në shitje, konsum dhe sezonalitet;
Koordinon procesin e importit nga porosia deri në pranimin e mallrave;
Përgatit dhe ndjek dokumentacionin e nevojshëm për import (fatura, packing list, dokumente doganore);
Bashkëpunon me agjentë doganorë dhe kompani transporti;
Siguron përputhshmëri me rregulloret doganore dhe ligjore;
Monitoron kostot e transportit dhe taksave me qëllim optimizimin e buxhetit.
Përgatit raporte mujore mbi furnizimet, stokun dhe kostot e importit;
Analizon tregun për të identifikuar mundësi për ulje kostosh;
Propozon përmirësime në proceset e prokurimit dhe logjistikës.

 
Kualifikimet dhe Kërkesat

Diplomë universitare në Logjistikë, Ekonomi, Menaxhim Biznesi ose fusha të ngjashme;
Minimum 2–3 vite përvojë pune në furnizim, prokurim ose logjistikë;
Aftësi të mira negociuese dhe organizative;
Njohuri mbi procedurat e importit dhe dokumentacionin doganor;
Aftësi analitike dhe njohuri në menaxhimin e stokut;
Njohuri të mira të programeve MS Office (veçanërisht Excel);
Njohuri të gjuhës angleze;
Aftësi për të punuar në mënyrë të pavarur dhe në ekip.

 
Afati i fundit për aplikim është 28.02.2026
*Vetëm kandidatët te cilat hyjnë në listën e ngushtë do të ftohen për intervistë.