Ekipi jonë po rritet dhe ne po kërkojmë Specialist të Lartë në Financa të përkushtuar dhe të organizuar për të mbështetur departamentin tonë në rritje dhe zhvillim.
Pozita: Specialist i Lartë në Financa (2 pozita)
Lokacioni: Çagllavicë
Detyrat dhe përgjegjësitë (Specialist i Lartë në Financa) 

Mbikëqyr dhe koordinon aktivitetet e përditshme të Departamentit të Financave, si dhe të të gjitha njësive të ndërlidhura me të;
Rishikon punët ditore të stafit të financave dhe sigurohet për përmbushjen në kohë dhe me saktësi të të gjitha detyrave;
Përgatit pasqyrat financiare dhe raportet e tjera menaxheriale në mënyrë të saktë dhe në kohë, në koordinim me Drejtorin Financiar;
Përgatit dhe raporton pasqyrat financiare mujore/vjetore të kompanisë, si dhe i prezanton para palëve të treta në koordinim me Drejtorin Financiar;
Përgatit dhe finalizon librat tregtarë për deklarimet e TVSh-së dhe tatimeve të tjera mujore;
Rishikon dhe finalizon për deklarim listat e qirave dhe të pagave për të gjithë stafin e kompanisë;
Përgatit buxhetet vjetore dhe parashikimet financiare (forecast) sipas kërkesës së menaxhmentit;
Monitoron performancën financiare dhe analizon devijimet nga buxheti;
Ofron analiza dhe rekomandime për menaxhmentin e lartë për vendimmarrje strategjike;
Mbikëqyr proceset e mbylljes mujore dhe vjetore të transaksioneve financiare;
Siguron përputhshmëri me standardet kontabël dhe kërkesat ligjore në fuqi;
Menaxhon dhe asiston në proceset e auditimit të brendshëm dhe të jashtëm;
Zhvillon dhe implementon kontrolle të brendshme financiare;
Identifikon, monitoron dhe minimizon rreziqet financiare dhe operacionale;
Siguron zbatimin e politikave dhe procedurave financiare të kompanisë;
Kontrollon dhe analizon kostot operative, me fokus në:

             normativat e produkteve që janë në shitje (i rishikon dhe  përditëson pas çdo ndryshimi);
             stokun në njësitë/filialet e kompanisë;
             kostot e tjera operative të kompanisë;
             koston e punës (labor cost);

Analizon performancën financiare për secilin lokacion në bazë të raporteve mujore të detajuara;
Bashkëpunon me menaxherët e restoranteve për përmirësimin e profitabilitetit;
Raporton drejtpërdrejt te Drejtori Financiar i kompanisë dhe bashkëpunon ngushtë me të në proceset, raportet dhe vendimet operative dhe strategjike të Departamentit të Financave.

Kualifikimet (Specialist i Lartë në Financa):

Diplomë Bachelor në Financa dhe Kontabilitet;
Kualifikime të tjera profesionale (të rekomanduara);
Aftësi të shkëlqyera financiare dhe kontabël, me rreth 3+ vite përvojë pune në kontabilitet dhe ERP të ndryshme; përvojë në analiza financiare, raportim financiar dhe tatimor;
Përvojë e mëparshme në mbikëqyrjen e drejtpërdrejtë të stafit profesional dhe mbështetës;
Përvojë në zbatimin e politikave dhe procedurave financiare dhe kontabël;
Aftësi e dëshmuar për përmbushjen në kohë të detyrave të përcaktuara;
Aftësi për të punuar si në mënyrë të pavarur ashtu edhe në ekip;
Diskrecion dhe konfidencialitet në trajtimin e pagave të punonjësve;
Aftësi të shkëlqyera komunikimi;
Njohuri të avancuara në softuerë financiarë dhe në Microsoft Office (veçanërisht Excel).

Afati i fundit për aplikim është 08.05.2026
*Vetëm kandidatet te cilat hyjnë në listën e ngushtë do të ftohen për intervistë.